وەرە با تۆوی دڵداری بچێنین
لەگەڵ یەکتر وەفاداری بنوێنین
بەرەو ڕووی قیبلەگای بێ مروەتاندا
دەبا نوێژی ئەوینداری بخۆێنین بێ

وەرە با تێبگەین لەو ڕەمز و ڕازە
بزانین دڵ بە سازی کێوە سازە
ئەگەر دارای، ئەگەر بێ ماڵ و جێگەی
کە دڵ ماڵی ئەوین بێ، بێ نیازە

دڵت ڕابێنە دەرگای ئاوەڵا بێ
بوێر و ژیر و گەشبین و قەڵا بێ
ئەویندارانە ڕێگەی ژین بپێوێ
نەبێ ترسی لەوەی کۆسپ و بەڵا بێ

بەژیری بیری ڕابردوو بەدەر کە
هەوای سازی ژیان ئاوماڵی سەر کە
فڕێی هەڵدە و بەجێ بێڵە ڕەشایی
جل و بەرگی ئەوینداری لەبەر کە